9 feet nga kataason sang sunflower makit-an sa Bacolod

BACOLOD CITY – Makabig pinakamataas nga sunflower makit-an sa Easthomes 1 Subdivision, Barangay Estefania syudad sang Bacolod.

Ginpahayag ni Nelia Octoso nga hobby na nya ang pagtanum sang mga bulak kag utanon sa iya gamay nga lagwerta kag sang gindal an sya sang iya utod sang liso sang sunflower halin sa America iya ini gintanum.

Wala naglaum si Octoso nga mag taas sang kapin 9 feet ang iya sunflower kag magpamulak sang daw bandihado ka dako bangud mainit ang klima sa Pilipinas kun ipaanggid sa America.


Sa karun tuman ang kalipay ni Octoso sa tagsa nya ka pagtangla sa sunflower apang nasubuan naman ini bangud inde sya maka selfie bangud sang kataason. / Grace Supe

Facebook Comments