9 ka pulis rehiyon 10, apil sa narcolist nga gi-imbestigahan

113

Anaa sa 9 ka mga pulis officer sa rehiyon 10 ang gi-imbestigahan karon sa Kampo Krame.

Ang mao nga ihap kabahin sa 357 ka mga pulis sa nasud nga gikataho nga nalambigit sa operasyon sa illegal nga droga nga gi-imbestigahan.


Sa interview sa RMN ngadto kang PNP 10 Regional Spokesperson Police Lt. Col. Mardy Hortillosa gibutyag niini nga wala pa siyay kopya sa mga pangalan sa 9 ka mga pulis nga gikan sa Northern Mindanao nga gipatawag na sa ilang national headquarters.

Nasayran nga gisugdan na’g imbestigar sa PRO-10 ang maong mga pulis nga naka-floating status kay nasulod sa illegal drugs watchlist ni Pres Rodrigo Duterte.

Matud ni Col. Hortillosa nga na-atubang sa reklamo kalabot sa illegal nga droga ang maong mga pulis, hinoon giklaro niya wala usab daw nagpasabot nga kung apil sa listahan, nalambigit gayod kini, tungod kay kinahanglan pa kining mapatud-an.

Facebook Comments