94- anyos nga tigulang, patay matapos nga nabunggoan sang isa ka Ford Ranger nga salakyan sa Barangay Maninang, Sapian, Capiz!

33

Sapian, Capiz – Patay ang tigulang nga nagapang-edaron sang 94- anyos makaligad ini ang nabungguan sang isa ka Ford Ranger nga salakyan sa Barangay Maninang, Sapian, Capiz mga alas 2:50 sang hapon.
Nakilala ang biktima kay Generosa Lumbao, residente sang nasambitan nga barangay.
Suno sa inisyal nga impormasyon, tuman ka dasig ang padalagan sang driver nga nakilala kay Roelen John Casabuena y Barreto, residente sang Zaragosa Balasan Iloilo sang naglapaw ini sa kurbadahon nga porsyon sang dalan kag nadala sa ang nagalakat nga biktima nga yara sa kilid.
Bangud sa kabaskugon sang pagkabunggo kag buwelo sang salakyan, gin-apok pa ang biktima sang pila ka metros kabangdanan sang pagkadunot sang iban nga parti sang iya lawas. Makit-an man ang mga dugo nga yara sa pader sang poluy-an nga gin-apukan sini.
Sa subong yara na sa paghinakop sang Sapian MPS ang suspek nga driver.
Ginapatihan nga natagpilokan ini kag posible nga wala makontrol ang manibela sang ginamaneho nga salakyan.

Facebook Comments