95 narekord nga kaso sang rape sa South Cotabato, pagpakig-aybol sa textmate kadam-an nga rason.

Nagapanguna ang kaso sang rape nga klase sang pagpang-abuso sa mga kabataan dire sa probinsya sang South Cotabato tungod nagalab-ot na sa 95 base sa datos sang Police Provincial Office halin Enero tubtob Oktubre subong nga tuig.
Suno kay Police Chief Inspector Rey egos, Chief Investigator sang South Cotabato Ppo, duha lang ang narekord naman nila nga kaso sang incestuous rape ukon ang suspek amo ang amay ukon himata sang biktima.
Base sa datos nila suno kay Egos kadam-an sa rason sang kaso sang rape sa probinsya ang tungod sa pagpakig-aybol sa textmate kag sa incestuous ang wala pagtinir sang iloy sa balay.
Halos naman sa mga suspek sang pagpanghimulos suno pa ang tigayon na nga napasakaan sang kaso.
Magluwas sini ginkumpirmar man ni Egos nga may-yara man sang narekord sila nga kaso sang Acts of Lasciviousness, physical injuries, homicide kag iban pa nga klase sang pagpang-abuso sa mga kabataan.
May-angot sini suno kay PSI Egos ang intervention sang kapolisan paagi sa ila nga Community Police Relations Secion kag Women Protection Desk amo ang pagpabakod sang information and education campaign sa mga balaud nga nagaprotekta sa mga kabataan kag kababainhan sa probinsiya.
Nagahatag man suno pa sila sang tips kon paano malikawan ang insidente sang rape kag nagacoordinate man suno pa sila sa mga concern nga ahensya sang gobyerno kon paano mabuligan ang pamilya nga dapat yara gid sa balay ang iloy sa oras sang kaab-ihon agud nga indi mabutang sa delikado ang bata nga babaye.

Facebook Comments