95% seniors sa Davao City nakadawat na sa pension

33

Davao City – Gibutyag sa Department of Social Welfare and Development (DSWD) nga anaa na sa 95% sa mga senior citizens sa syudad sa Davao ang nakadawat na sa ilang social pension.

Atol sa One Davao on COVID-19 Virtual Presser, gibutyag ni Raquel Nuñez, DSWD-XI Regional Director, nga nagapadayon karon ang social pension payout sa tibuok reghiyon alang sa kwalipikadong mga benepisyaryo.


Matud ni Nuñez nga taliwala sa nasinatiang pandemya, padayon ang serbisyo sa DSWD aron nga mapaabot sa mga seniors labi na kadtong anaa sa lagyong lugar ang ayuda nga ilang gikinahanglan.

Segun sa opisyal nga hugot usab ang ilang koordinasyon sa matag Local Government Unit (LGU) ug sa kapulisan aron nga mapatuman ang minimum public health standards nga gikinahanglan labi na nga anaa sa bulnerableng sektor ang mga seniors.

“We are coordinating closely with our LGU as well as our PNP nga matagaan gyud og pagtagad kining atong ginatawag nga health protocols,” matud ni Nuñez.

Gipasabot sa DSWD-XI Regional Director nga mamahimo usab nga ang anak, o miyembro sa pamilya ang mukuha sa ayuda pinaagi sa pagdala og ‘authorization letter”.



RadyoMaN Kirby Manzon


Facebook Comments