Nagalab-ot na sa 7,976 ukon 99.7% sang 8,003 ka mga personnel sang Police Regional Office (PRO) 12 ang bakunado na base sa datos sang Disyembre 7 subong nga tuig.
Sa datos sang Regional Medical and Dental Unit (RMDU) 12, yara lang sa 27 ukon 0.34% sang PRO 12 personnel ang nagapabilin nga unvaccinated tungod sa mga nagkalain-lain nga rason kapareho sang allergic reactions, medical-related conditions kag personal nga rason.
Samtang ginhangkat ni PRO 12 Regional Director PBGEN Alexander Tagum ang mga unvaccinated PNP personnel nga magpabakuna na bilang proteksyon batok sa virus.
Dugang pa niya nga mangin halimbawa sa komunidad samtang ginatungdan ang obligasyon bilang public servants nga nagaduso sang health kag safety sang katawhan.
Nahibaluan nga nagpaggwa sang iya pahayag si PNP Chief PGEN Dionardo Carlos nga ginalauman sini nga makumbisir ang 222,000 ka mga PNP force nga mabakunahan agud maprotektahan ang ila nga kaugalingon kag pamilya batok COVID-19.
