9th most wanted person sa banwa sang Norala arestado.

Arestado ang ginakabig 9th most wanted person sa banwa sang Norala sa ginpatigayon nga joint operation sang Investigation and Detection Management Branch sang South Cotabato Police Provincial Office kag Norala Municipal Police Station sang tinalikdan nga adlaw.
Ginkilala ang suspek kay Gerald Catalan Jamero, 39-anyos, single, mangunguma kag residente sang Purok Rizal, Barangay San Miguel sa nasambit nga banwa.
Naaresto ang suspek paagi sa pagserbi sang warrant of arrest tungod sa kaso nga pagbayolar sa Section 11 sang Republic Act 9165 kag may ginarekomendar nga P200,000.00 nga pyansa.
Sa subong ang suspek ang nakadetine sa lock-up cell sang Norala Mps samtang ginahilat ang commitment order sini padulong sa South Cotabato Rehabilitation and Detention Center.