General Santos City— Gikumpirma ni Gensan City Councilor Atty. Jeng Gacal, chairman sa games and amusement nga miapila sa buhatan mismo ni Presidente Rodrigo Duterte si Grace Mercado, tagdumala sa Trento Gaming Corporation.
Pamahayag ni Kagawad Gacal nga iyahang nabasa ang reklamo ni Mercado nga gikan mismo sa Malakanyang kung asa kini ang naka-address kang Gensan City Mayor Ronnel Rivera.
Kung asa gihingusgan niini nga misleading ang impormasyong gipaabot ni Mercado sa Malakanyang sukwahe sa hinungdan nganong gipa-undang ang operasyon sa Small Town Lottery (STL) sa dakbayan.
Dugang pamahayag ni Kagawad Gacal nga sayon rang tubagon ang maong akusasyon kung asa si Mayor Rivera matud pa maoy kinahanglan nga mutubag gumikan sa iyaha man gipadala sa Malakanyang ang sulat isip aksyon sa Malakanyang sa reklamo ni Mercado.
