Abandonado nga balay sa Pagadian, gihimong horror house

14

Pagadian City – Sentro karun sa atraksyon ug gidagsa sa mga kabatan-onan niining obserbasyon sa Adlaw sa mga Santos ug minatay ang usa ka abandonadong balay sa Prk. Gumamila, Barangay San Jose ning syudad sa Pagadian.
Nasayran nga gihimong sentro sa kahadlok ang maong balay sa dihang wala nay gapuyo niini rason nga nahuna-hunaan sa ng grupong “Nagkahiusang Kabatan-onan sa Kalambuan Association” nga himoon kining horror house.
Sa gawas nga bahin sa balay sigurado nga magkainteres ang mga turista ilabina na nga dunay tarpaulin nga multo nga gisulatan og “Welcome to the House of Screams.”
Tumong sa maong grupo nga makatigom sila ug pundo alang sa mga bata nga laaw ug walay pamilya, diin mobalor sa P50 ang entrance fee sa horror house.
Mahinumduman nga unang gisupak sa mga pari ug Obispo sa Simbahang Katoliko kina-iya nsa mga Pinoy nga magsuot og Halloween costume sa paghandom sa adlaw sa mga santos.
Sumala ni Manila Auxiliary Bishop Brode­rick Pabillo, nga chairman usab sa Episcopal Commission on Laity nga ang Halloween dili ‘Christian celebration’..
Busa gi-awhag niini ang mga katoliko ang nga imbes costume sa mga ngil-ad nga dagway may makaayo pa ang ‘pagpara sa mga santos’ ug sul-uban ang mga bata nga sinina sa mga Santos.

Facebook Comments