ABC President sang Bacolod nagala-om sang mataas nga compliance rate sa road clearing operations 2.0

9

Nagala-om si Councilor Lady Gles Gonzales Pallen nga magataas pa ang compliance rate sang mga kabarangayan sa road clearing operations 2.0 nga ginmando sang Department of the Interior and Local Government (DILG).

Sa interview sang DYHB sa presidente sang Liga ng mga Barangay sa ciudad sang Bacolod, ginpahayag sini nga santo sa record sang DILG, may yara na sang 50 porsyento nga compliance rate ang mga kabarangayan sang Disyembre 2020. Nagaloam si Pallen nga sini nga Enero 2021, magataas pa ini ilabi pa nga gin-extend ang deadline.


Santo sa una nga mando sang DILG, Enero 15, 2021 kuntani ang deadline sa compliance apang ini ang gin-extend sa Enero 22, samtang sa Enero 25 naman magasugod ang validation.

Dugang pa sang opisyal, ang mga illegal parking kag vendors na gid man lang sa karun ang kinahanglanon nga kakason sa mga dalanon kag ang mga balay naman nga naga-obstruct ang nagahulat pa sang relocation site gikan naman sa Bacolod Housing Authority (BHA).

Sa Brgy. Bata naman, kalabanan sang mga nabilin nga obstructions amo ang balay kag pamilya man nga nagahulat sang relocation site sa BHA. Suno kay Punong Barangay Lito Abaring, tinguhaan nila nga matapos gid hawan ang mga obstruction tuga naman sang mga commercial establishments.

[image: image.png]




Facebook Comments