Abogado, nanawagan nga isuspenso ang pagpatuman sa TRAIN Law

Nanawagan karon  si Atty. James Judith  sa administrasyon ni Presidente Duterte nga i-suspended lang una ang pagpatuman sa Tax Reform for  Acceleration and Inclusion kon Train law nga gipatong sa Petroleum Product.

 

Kini aron mokanaog ang presyo sa Gasolina ug mokanaog usab ang presyo sa mga prime commodities.

 

Matud ni Judith nga  tungod sa Train law nga gipatong sa  Presyo sa  Petroleum Product misaka sa halos taga liog ang presyo sa gasolina ug presyo sa mga nag-unang palaliton.


 

Gisuygot usab ni Judith nga kon i-suspended ang pagpatuman sa Train Law sa Oil Product,  i-reduce usab ang pundo nga gihatag sa gobyerno ngadto sa  mga police ug sundalo.

 

Matud ni Judith nga ang salapi nga nakolikta sa gobyerno  gikan sa Train law nga gipatong sa Oil Product, mao kini ang gihatag nga double increase sa suweldo sa mga police ug sundalo.

 

“Nalobong sa kalisod ang daghang mga tawo tungod sa train Law nga gipatong sa Oil Product apan naka-benepisyo usab ang mga police ug sundalo kay nadoble man ang increase sa ilang suweldo, dapat ibalansi  unta kini sa atong gobyerno” matud ni Judith.

 

Sa iyang kabahin,

 

Gipahayag ni Businessman James Giam nga dili lang Train law ang hinungdan nga misaka ang presyo sa Gasolina.

 

Kay matud ni Giam nga naa pa ang 12 percent Value Added Tax kon VAT nga gipatong  usab sa presyo sa Gasolina.

 

Gibutyag ni Giam nga  sigon sa iyang sumada nga mokabat sa kapin 3 pesos ang increase sa presyo sa Oil product tungod sa Implementation sa Train law ug VAT.

 

Matud ni Giam nga kapin 2 pesos ang patong sa presyo sa Gasolina tungod sa Train law ug kapin sa piso ang patong sa presyo sa Oil product  gikan sa VAT.

 

“Kon i-suspended ang Train law ug VAT sa Oil Product, mokanaog sa kapin 3 pesos ang presyo sa Produktong Petrolyo” matud ni Giam.

Facebook Comments