Abogado patay, matapos tiruhon sa Surallah, South Cotabato.

27

Dead on arrival sa ospital si Atty. Juan Gammad Macababbad, 68 years old, abogado kag residente sang Zone 2B, Brgy Libertad, Surallah, South Cotabato, alas 5:30 sang hapon, kahapon nga adlaw, Setyembre 15, 2021.
Base sa imbestigasyon sang Surallah MPS, gintiro sang tatlo ka mga wala nakilal-an nga mga suspek ang abogado sa atubangan sang iya nga balay.
Nakaangkon sang igo sang bala sa mga nagkalainlain nga parte sang iya nga lawas ang biktima nga nangin tunaan sang iya hinali nga kamatayon.
Gilayon naman nga nagpalagyo ang mga suspek sa direksyon sang Banga, South Cotabato sakay sa duha ka itom nga motorsiklo.
Narekober naman sa crime scene ang lima ka basyo sang caliber 45, 1 ka deformed slug, 1 ka heat sealed plastic transparent sachet sang ginapatihan shabu, 1 ka orange large envelop.
Ginapatihan naman nga may kahilabtanan sa trabaho ang rason sa pagpatay kay Atty. Macababad, matapos nga bag-o pa man ang insidente nakabaton suno pa ini sang death threats halin sa iya nga kleyenti.
Sa subong nagapadayon ang imbestigasyon sang Surallah MPS sa likod sa pagpatay sa abogado.

Facebook Comments