ACAMP, subling gi-ablihan

General Santos City— Subling gi-ablihan ang mukabat sa 600 ka mga cells sa Antonio Acharon Memorial Park kon ACAMP milabay’ng Pebreo 5 human ang pipila ka bulan nga temporaryong pagsirado niini.

Sumala kang Mary Ann Bacar, labaw sa City Housing ning dakbayan nga ang maong cells ang hangtud lang sa unom ka bulan, Apan gikalipay niini nga bag-uhay lang adunay gi-allocate nga 7milyones ka pesos si Gensan City Mayor Ronnel Rivera alang sa dugang cells nga muabot sa 800 ngadto na usa ka libo nga posibleng muabot ug usa ka tuig ang operasyon.

Gipaklaro man usab niini nga ang pagproseso sa menteryo ang anaa sa ilahang buhatan ug iyahang gina-awhag ang mga namatayan nga likayan nga mag-proseso pinaagi sa mga fixer.


Kini gumikan dihang temporaryong gipasirado ang ACAMP, adunay matud pay daghang isyu nga nanggawas nga adunay mga fixer nga naningil ug tag 8, 500 apan ginadeklarang indigent gumikan anaa lang sa 750 ang ginabayran ngadto sa gobyerno.

Dugang pamahayag ni Bacar nga ilahang ginapanghinaut nga dili magkulang ang mga cells hangtud nga magsugod ang exhumation sa bulan sa Abril ning kasamtangang tuig.

Facebook Comments