Admission sa COVID-19 patients sa SPMC nikunhod

28

Davao City- Namatikdan sa Southern Philippines Medical Center (SPMC) ang pag-ubos sa hospital utilization sa mga COVID-19 patients.

Sa interbyu sa DXDC RMN Davao kang SPMC chief Dr. Ricardo Audan, sukad niadtong Lunes nikunhod ang ihap sa mga na-confine sa SPMC nga moderate, severe ug critical COVID-19 patients.


Gibutyag ni Audan, sa 92 COVID-19 ICU beds, 82 ang occupied samtang 361 ang occupied sa 403 ka mga isolation wards.

Gilantaw niini nga ang awareness sa publiko ug pag-obserba sa Minimum Public Health Standard ang factors sa pagkunhod sa admission sa COVID-19 patients sa SPMC.

“I think ang big contributory factor ani ang ilahang awareness nga ang variants are very dangerous when it comes to transmission, probably ang usa ka factor pa diri they went back in doing health precautionary measures,” sumala niini.

Nag-abli usab og dugang 40 beds ang SPMC, 34 niini ka COVID-19 isolation ward ug 6 ang ICU beds.



Dul-an 500 na ang sumada sa COVID-19 beds sa SPMC ug padayon ang ilang pagpalapad o pag-expand sa pagpangandam batok sa presensya sa mga COVID-19 variants sa Davao Region.

RadyoMaN Aimee Guinita


Facebook Comments