Adunay warrant sikop

6

General Santos City–Gipaabot nalang karon sa kapulisan nga magpakanaog ug commitment order ang korte batok sa usa ka Villorico Flores Alyas Rico, 41 anyos, nga nanimuyo sa Prk. Maligaya, Buayan Townsite, Barangay Buayan ning syudad aron nga mabalhin kini sa Lanton Reformatory Center human nga masikop sa gipahigayon nga operasyon sa Police Station 3.
Nasayran nga ang suspect nasikop pinasikad sa usa ka warrant of arrest nga gipakanaug sa sala ni Hon. Judge Annie May Braga Leuterio, Presiding Judge sa MTCC Branch 3 sa kaso nga resistance and disobedience to the agents of person in authority nga gipakanaog niadtong Agusto 31, 2018.
Nasikop ang suspect alas 10:40 ang takna sa hapon sa mismong panimalay niini Brgy. Buayan sa gipahigayon nga manhunt Charlie sa mga personahe sa Police Station 3. (Dave Silagan)

Facebook Comments