Adventure vs traysikol isa patay

126

BACOLOD CITY – Padayon karon nga ginapangita sang otoridad ang driver sang isa ka Adventure nga nakabunggo sa isa ka traysikol nga gintunaan sang kamatayon sang driver sini kag pagkasamad sang tatlo niya ka mga pasahero pasado las 2 kahapon sang kaagahon sa Burgos Ext., Brgy. Estefania, Bacolod City.

Base sa blotter sang pulis, ang driver nakilala nga si Menadro Delejero, legal ang edad samtang ang nasamaran naman nga pasahero nakilala nga sanday Rose Dequilla, Virginia Delejeno kag Celly Mae Javelosa, tanan legal ang edad tanan pumuluyo sang Brgy. Villamonte, ciudad sang Bacolod.


Nakilala naman ang driver sang Adventure nga si Ely Ong, legal ang edad kag residente sang Brgy. Tangub, Bacolod City.

Suno sa imbestigasyon sang Police Station 4 ang Adventure ang halin sa east padulong sa west nga direksyon samtang ang traysikol naman ang halin sa west padulong sa east nga direksyon sang natabo ang aksidente.

Gindala pa sa Regional hospital ang mga biktima apang gin-declare sang mga attending physician nga patay ang driver sang traysikol.

[image: image.png]
www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers