Adverse events sa senior COVID-19 vaccination hugot bantayan

26

Davao City – Sugdan karong semanaha ang vaccination kontra COVID-19 sa mga Priority Group A2 kun mga senior citizens.

Sa interbyu sa DXDC RMN Davao kang Dr. Ashley Lopez, Focal Person sa Davao City Covid-19 Task Force ug City Health Office chief, gitakdang moabot sa dakbayan ang mga doses sa Sinovac ug Astrazeneca vaccines nga posibleng kini maoy gamiton alang sa mga edaran.


Sa datos sa Office for Senior Citizens Affairs, mokabat sa 120,000 ang populasyon sa mga senior citizens sa dakbayan.

Matud ni Lopez, dili pugson ang mga senior citizens sa pagpabakuna apan sa mga buot magpabakuna mamahimong pagparehistro online o sa ilang mga barangay health centers.

Hitsas ang City Health Office sa mga adverse events busa ang vaccination sites himuon duol o mismong hospital aron dali silang matunulan og atensyong medikal.

“Naay screening, naay consultation apil na siya sa proseso. There are stages when you go to a vaccination site kung fit sila for vaccination or dili,” sumala niini.



RadyoMaN Aimee Guinita


Facebook Comments