AFP ug PNP, gisiguro ang seguridad ning semana santa sa Bukidnon

40

Gisiguro sa kapulisan ug kasundaluhan ang seguridad karong semana santa sa Bukidnon.

Sa interview sa RMN ngadto kang PSupt. Arce Yam-oc ang hepe sa Bukidnon-PNP Planning and operations gibutyag niini nga gi-aktibo na nila ang Oplan Sumer Vacation kon SUMVAC 2018.

Gisugdan kini kaniadtong sa Marso 23 nga mulungtad hangtod Hunyo 13.

Kini aron sa paghatag sa seguridad sa mga pampublikong lugar ilabina sa mga gitawag nga “Areas of Convergence”, kauban niini ang mga terminal, mga simbahan ug tourist destinations.

Ila matud pang bantayan ang mga lihok sa dautang element nga posibleng mopahimulos sa panahon.

Apil matud pa sa ilang gihatagan ug pukos ang mga simbahan sa probinsya sa Bukidnon.

Samtang gipahayag usab sa 4th Infantry Division, Philippine Army nga dugay nang naka-alerto ang mga kasundaluhan.

Sa interview sa RMN ngadto kang 1Lt. Tere Ingente, ang tigpamaba sa 4ID gibutyag niini nga sukad pa kaniadtong pagdeklara sa martial law sa Mindanao alerto na sila.

Gisiguro usab niya nga naka-andam silang mosuporta sa kapulisan ilabina karong semana santa.

Facebook Comments