Agarup 30 Nga Estudyante, Maipagarup a Naluganan ti Dakes nga Espiritu iti Marcos National High School

110

iFM Laoag – Linuganan ti maipagarup a dakes nga espiritu ti immabot 30 nga estudyante iti Marcos National High School.

Sigun kenni Mr. Paciano Cid, Principal iti nasao a pagadalan, inbagana a posible a kinagura dagiti dakes nga espiritu ti pannakaikkat ti balayda nga isu ti nakaipatakderan ti baro a bulding iti nasao a pagadalan.


Innayunna a kabayatan ti pannakalugan dagiti estudyanteda ket inpukpukkaw da kanu a “naperdin ti pagyanan min, pati ti kayo ti mangga pinukan yo”.

Inikkis met dagiti dadduma a naluganan nga estudyante ti “patayen kayo amin.”

Immuna a naitaray daguiti naluganan nga estudyante iti Rural Health Unit (RHU) ngem sigud da met laeng nga inyakar iti simbaan katolika tapnu makararagan.

Gapu iti daytoy, inbaga ni Cid a mangaramid da ti ritual nga isu ti kayat a mapasamak daguiti dakes nga espiritu, masukatan dagiti napukan a kayo ngem saanna a maibaga no tungpalen da ti kayat daguiti maseknan a mapukaw ti baro a building da. Innayon na a kasarita danto dagiti espiritu tapno agtalinaed ti baro a building iti nasao a pagadalan.

Inpakaammu na met a masuspenso pay laeng ingganat biernes ti klase kalpasan ti pannakalugan daguiti agarup 30 nga estudyante da.

Innayun na pay a tumulong met ni Mayor Tony Mariano tapno saanen a mauulit ti pannakalugan daguiti estudyante.

Kabayatanna, inbaga ni Cid kadaguiti estudyante a masapol da nga agtalek iti namarsua tapnu narigrigat da a maallukoy daguiti dakes nga espiritu.

Jayjay Corpuz, Trainee Radyoman

Facebook Comments

From Advertisers