Agdao curfew violators case atubangon

104

Davao City – Andam si Barangay San Antonio Agdao Kagawad Nomerian Capuyan nga atubangon ang mga kasong ipasaka batok kaniya sa mga agrabyadong curfew hour regulation violators sa ilang barangay.

Sa interview sa DXDC RMN Davao, gisulti ni Capuyan nga katungod sa mga complainants nga mokiha apan giklaro niini nga usa ka police operation ang nahitabong pagpang-aresto ngadto sa mga dinakpan.


Kahinumduman nga siyam ka mga indibidwal nadakpan sa curfew hour implementation sa Sta. Ana Police Precint diin walo kanila gikatahong gipasalum sa kanal niadtong Biyernes sa gabii.

Una niini, mireklamo ang walo nga human sila gisilotan pinaagi sa ehersisyo, nimando pa gayud kanila ang duha ka mga pulis personnel nga mosalum sa drainage canal.

RadyoMaN Don Pulayao

Facebook Comments