Agdao Palengke: Di makapa-rapid test, di makatinda

42

Davao City – Dili pa makabalik sa pagtinda ang mga vendors ug trabahante sa Agdao Public Market og dili makapa rapid test.

Sa pakighinabi sa DXDC RMN Davao kang Pedro Arthur Junsay, Barangay Agdao Proper Spokesperson, human sa RDT mohatag ang Barangay og certification isip pagpamatuod nga mipailawom sa rapid test tungod kay kung wala niini posibleng di pa makabalik sa ilang pagpaninda.


“Kinahanglan gyod nga magpa RDT sila kay mao ra mana ang kasigurohan nga wala sila natakdan sa virus. Dili gyod sila kabalik ug paninda kun wala ka RDT kay mao may pangitaon diha inigbalik sunod semana,” segun ni Junsay.

Kagahapon, adlawng Miyerkules, May 27, 2020, 300 ka mga vendors ang nagpa-rapid test ug wala na maabot ang target nga 500 ka mga vendors matag adlaw diin duha niini gisuspetsahang dunay COVID-19.

Mikabat na sa 1,300 ka mga vendors ang napailawom sa RDT diin 17 na ka mga indibidwal ang nagpositibo sa rapid test nga gilusad sukad May 25, 2020.

RadyoMaN Don Pulayao

Facebook Comments