BACOLOD CITY – Nagpadulong sa talatapan sang dyHB RMN Bacolod ang anum tanan ka mga guardia agud nga i-reklamo ang ila agency nga wala ginahatag bilog ang ila sweldo.
Naga-reklamo ang mga security guards sang Diamond Security Agency nga wala ginahatag sang bilog ang ila sweldo bangud nga gina-utay utay lang ini ukon installment.
Suno sa isa sa mga gwardia nga sumugod nga nag-ubra ini sa amo nga security agency sang Enero, wala pa niya nabaton nga tingub ang iya sweldo sa diin ginhatagan lang sila sang cash advance nga P300 pesos ukon P500 pesos.
Pabutyag sang mga gwardia nga kon magkadtu sila sa ila opisina agud mag-kuha sang ila sweldo, ginahambalan sila sang sekretarya nga wala sang kwarta.
Gindugang pa sang mga gwardia nga wala man sila sang benepisyo kaangay ang SSS.
Wala pa nakahatag sang komento ang natungdan nga agency angot sa sini nga reklamo. /dyHB BACOLOD
