Kalibo, Aklan — Arestado rong sangka agi nga nagtakaw it kwarta ko anang bestfriend nga babaye kaina it aga-aga sa anang ginadayunan sa Andagao, Kalibo, Aklan.
Ro suspek nakilaea kay John Cyril Celis Tonic, 21-anyos it Brgy. Dumatad, Tangalan ag naga trabaho sa sangka bar iya sa Kalibo samtang rong biktima nakilaea kay Sharlyn Francisco, 32-anyos ag naga istar sa Andagao, Kalibo.
Nasayuran nga kahapon hay nagdaog it jackpot ro biktima sa Bingo it P 121,000.00 ag nagpang libre imaw it pagkaon sa anang mga friends kaibahan ro suspek.
Bangud nga gaoy do biktima hay nakatueog ra imaw sa sala it anang nadayunan.
Kaina it agahon magapa check up kunta imaw sa anang sakit sa heart ag tag ana nga gintan aw ro anang bag hay uwa eon ro kwrta nga naga balor it P 96,000.00.
Nabasahan man nana sa anang cellphone nga kaina it aga-aga hay nagtext ro suspek nga maadto sa anang nadayunan ag idto matueog ugaling uwa nana mareplayi.
Ro gin ubra it suspek sa anang pag abot bangud sarado ro gate hay nagsaka imaw ag gindistrongkar ko lock sa kusina ag idto imaw umagi.
Ro bag suno sa biktima hay sa anang may siki tag imaw nagkatueog pero uwa gid nana mapan uhi sa subrang gaoy.
Matapos nga madiskubrehan nana nga naduea rong kwarta anang gintext ag gintawgan ro suspek bangud nga imaw malang ra ro nag adto sa anang baeay ugaling uwa nagsabat.
Gintext nana it uman nga kon indi magsabat ag magpakita kana hay anang ipa blotter ag dikato gin ako it suspek nga imaw nagbuoe ag nagpangayo it pasensya bangud nasilaw eamang imaw sa kwarta.
Nasayuran nga natapos mabuoe rong kwarta ko suspek hay nagpanaw ra imaw pinaagi sa pagsakay sa RoRo kaina sa Caticlan.
Insigida man imaw nga nadakpan matapos nga magdungka rong anang ginasakyang RoRo sa Batangas Port bangud nga naka timbre man eon raya sa mga otoridad.
Rong suspek hay pagadaehon man iya sa banwa it Kalibo para atubangon ro posibleng kaso nga igapasaka kuntra kana.
