ZAMBOANGA CITY—Ya sostene quemadura na detras del un 3 meses de edad bata mujer y su tata despues accidentalmente ya rega canila agua caliente el tiya del su nana amediante ta men pelyahan estos na Talon-Talon.
Asegun na informacion ya puede obtene el RMN Zamboanga, si untal Juming Alawaddin ya confronta consu subrina si Clarita Alpha aserca el de este debe.
Pero nohay tene buen resulta el de estos conversacion hasta ya decidi si Alawaddin para bolbe na diila casa que cuantos metro lang el distancia.
Despues del cuantos minute ya bira este na casa di Alpha pero cargando ya un pichel lleno de agua caliente.
Cuando para rega ya le el agua caliente con Alpha, el de esta marido quien ta carga conel diila anac ya precura afasigua donde conel bata ya derama el agua caliente.
Ya quema tambien el braso del tata del bata d porcausa manada el agua caliente que ya rega si Alawaddin.
Con el bata y su tata dayun ya lleva corre na hospital para el curada medical.
El asunto ya llega na estacion del pulicia del Tetuan.
