Agusan Sur usa sa pinakapobre nga lalawigan sa nasud

34

Gov Cane midepensa sa pagkalakip sa Agusan Sur survey sa pinakapobreng lalawigan
Nalakip ang lalawigan sa Agusan del Sur sa listahan sa labing kabus nga probinsya sa tibook nasud basi sa gipagawas nga pagtoon sa Phil. Statistics Authority (PSA) sa Family Income and Expenditure Survey (FIES) sa tuig 2019. Gisukod sa maong survey mao ang kahimtang sa mga katawhan nga nanimuyu dinhi kinsa gitawag ug ‘below the poverty threshold’. Basi sa maong listahan nag-una sa labing kabus nga lalawigan mao ang Lanao del Sur, Sulu, Saranggani, Northern Samar, Maguindanao, Bukidnon, Sultan Kudarat, Zamboanga del Norte, Siquijor, Agusan del Sur, Eastern Samar, Lanao del Norte, Mt. Province, Western Samar, Cotabato, Catanduanes, Leyte, Negros Oriental, Zamboanga Sibugay ug Sorsogon. Kahibaloan nga ang lalawigan sa Agusan del Sur kanunay malakip sa tinuig nga listahan sa mga pobring probinsya sa tibook nasud Pilipinas.
Dili kombinsido Agusan del Sur Gov. Santiago Cane, Jr sa migawas survey sa Phil. Statistics Authority (PSA) labot sa Family Income and Expenditure Survey (FIES) nga nagbutang sa Agusan del Sur isip top 10 sa labing kabus nga lalawigan sa tibook nasud. Sa interview sa RMN DXBC Butuan gibutyag ni Gov. Cane nga dili tinoud ang maong survey sanglit kaniadto pa’ng tuig 2000 nga anaa sa top 10 ang lalawigan tungod kay sa iyang nasayran sa labing ulahing survey nabutang na lang kini sa top 16 sa maong listahan. Niya pa nga Makita karon ang kalamboan sa Agusan del Sur pinaagi sa nibarug nga mga proyektong imprastraktura mao’ng dili siya kombinsido sa gipagawas nga survey sa PSA. Dugang pa ni Gov. Cane nga posibleng ang kadaghan sa mga Indigenous People (IP) sa Agusan del Sur kinsa ang pag-uma lamang ang tinubdan sa ilang panginabuhian maoy gibasihan sa naasyong survey sa PSA.

Facebook Comments