Airplane pax free RT-PCR testing sugdan

Davao City – Magsugod sa Lunes (June 29, 2020) ang gitanyag sa City Government of Davao nga libre ug boluntaryo nga reverse transcription-polymerase chain reaction (RT-PCR) testing sa mga airplane passengers nga miabot sa syudad sugod Hunyo 8, 2020.

Matud ni Davao City Mayor Sara Duterte-Carpio nga kini aron masigurong luwas gikan sa Coronavirus Disease 2019 (COVID) ang nahisgutan diin kinahanglan lamang silang makig-alayon sa operation center aron mahatagan sa detalye kung unsa ang ilang angay’ng buhaton – Globe: (0917) 508 6548. Smart: (0919) 071 1111. Landline: (082) 244-0181.

“You call our operation center hotlines para mahatagan ka og instruction paunsa maka avail sa free and voluntary RT-PCR testing for airplane passengers who arrived June 8 onwards,” esplikar sa Mayor.


Adunay gi-andam ang lokal nga gobyerno nga 1,000 RT-PCR testing kits sa free and voluntary testing sa maong mga pasahero diin gikuha ang pondo sa Bayanihan Grant nga na-aprubahan niadtong Abril.

RadyoMaN Kirby Manzon

Facebook Comments