AKSIDENTE | Isa ka pulis, patay matapos makabunggo ang motorsiklo sa kasugata nga motor sa banwa sang Alimodian.

Patay ang pulis nga si PO1 Alfie Salsalida, 32 anyos sang Ma-ao, Bago city, Negros Occidental kag assigned sa 601st Regional Mobile Force Battalion sa Bagumbayan , Alimodian matapos nagbunggo ang motorsiklo nga ginamaneho sini sa nasugata nga motorsiklo nga ginamaneho naman ni John Lloyd Portillo, 18 anyos sang Dalid, Alimodian.

Suno kay Police Inspector Danilo Noca sang Alimodian PNP, nakaagum sang pilas sa ulo, baba kag lawas si Salsalida.

May pilas man sa lawas si Portillo samtang ang backrider sini nga si Sophie Torres, 17 anyos sang nasambit nga lugar ang nakaagum sang pilas sa wala nga tuhod.


Gindala sa Aleosan District Hospital ang mga biktima apang ginbawian sang kabuhi si PO1 salsalida samtang ginsaylo naman sa Western Visayas Medical Center sanday Portillo kag Torres para sa dugang nga pagbulong.

Ginpahayag ni Noca nga wala sang suksok nga helmet ang mga biktima.

Facebook Comments