Roxas City, Capiz- Patay ang isa ka persona samtang pilason naman ang tatlo ka iban pa sa bunggoanay sang motorsiklo sa karsada nga sakop sang Brgy Tanque Roxas City pasado alas otso sang gab-e.
Gindeklarar nga dead-on-arrival sang gindangat sa Capiz Emmanuel Hospital ang biktima nga ginkilala kay Joy Dee Valdevia y Dondonay, 33-anyos sang Libas Roxas City samtang pilason man ang mga backrider sini nga ginkilala kanday Jaylor Isiderio kag Stancel Borreros.
Suno sa imbestigasyon sang kapulisan sang Roxas City PNP, ginasubay sang nasambitan nga mga persona ang karsada pauli na sa Brgy. Libas sang aksidente nga nakabunggo sa kasugata nga motorsiklo nga ginamaneho naman ni Jhon Francis Mendoza, 19-anyos sang Brgy. Barra Roxas City.
Nahibaloan nga lumampos gid ang ulo sang biktima nga si Valdevia sa sementado nga dalan kabangdanan ini ang ginkabawian sang kabuhi.
Ginapahayag nga nakainom sanday Valdevia kag ang duha sini ka sakay sang matabo ang aksidente.
