Lunsay pilason ang sakay sang duha ka motorsiklo matapos magbunggu-anay sa Sitio Pandan, Barangay Nabitasan, Leganes mga alas 5:35 kaina sang hapon.
Ginpahayag ni PO3 Leo Barnuevo, imbestigador sang Leganes PNP nga padulong sa banwa sang Leganes ang Rusi Motorcycle nga ginamaneho ni Reynaldo Superal, 54 anyos sakay ang iya asawa nga si Marietta Superal kag tatlo ka mga apo.
Subong man, pag-abot sa Sitio Pandan, Barangay Nabitasan, Leganes nakabunggo ini sa nasugata nila nga motorsiklo nga ginamaneho naman ni Jose Rico Magallanes sakay ang asawa sini nga si Mae Magallanes nga taga, Quintin Salas, Jaro.
Lunsay pilason kag naghuray-ad sa dalan ang mga sakay sang duha ka motorsiklo kon sa diin ginpangdala ang mga ini sa ospital.
Nahibaluan nga nakaagum sang pilas sa ulo si Marietta Superal kag ang 5 ka tuig sini nga apo.
Suno kay PO3 Barnuevo nga nakainum ang driver sang Rusi Motorcycle nga si Reynaldo Superal sang matabu ang nasambit nga aksidente.
