Aksidente sa motorsiklo, 1 patay , 3 ninahan

Numancia, Aklan – Sambilog rong patay ag tatlo rong ninahan matapos nga sumunggab rong sangka motorsiklo sa poste it streetlight kaina it aga-aga sa Brgy. Laguinbanwa East, Numancia, Aklan.
Ro namatay hay nakilaea kay Ronel Nacionales, 15-anyos, residente it Brgy. Mantiguib, Makato, driver it motor ag nakaangkon it lastro sa ueo.
Samtangro anang mga kaibahan ag confined makaron sa Aklan Provincial Hospital hay sanday John Carlo Constantino, 14-anyos, residente it Laguinbanwa East, Numancia; Vanessa Milloroso, 14-anyos, residente ag Julia Lopez Vega, 14-anyos, parehong residente it Dongon West.
Base sa sugid it mga biktima nga kabii sanda ra hay nagpamantaw it basketball sa Numancia covered court, pagkatapos nag-inum-inum.
Samtang naga inum-inum, nag-eaong ranyang ap-at sa andang kaibahan nga mawarang-warang sakay it motorsiklo ko ulihi napan-uhan nanda nga uwa ta gihapon naka balik rong ap-at.
Nakabaton sanda it text message nga may nadisgrasya pero uwa sanda naga-eaom nga ro andang kaibahan eot-a rato.
Sa pag-inusoy nanda nasayuran nga ro nadisgrasya hay gali nga mga kaibahan.
Nahadaea pa rong biktima sa hospital pero ginbawian man it kabuhi.

Facebook Comments