AKSIDENTI|Motorsiklo misirko, driver patay

8

South Cotabato—Patay ang usa ka lalaki human nga nabalintong ang gimanihuan niining motorsiklo didto sa Barangay Punong Grande, Banga, South Cotabato.

Biktima giilang si Arnel Caras Sioco, 44-anyos, minyo ug residente sa Barangay Rizal 3, Banga.

Sa inisyal nga imbistigasyon sa kapulisan nasuta nga padulong unta ang biktima sa Norala, South Cotabato sakay sa iyang motorsiklo apan pag abot sa nahitabuan nawad-an matud pa ug control ang motorsiklo sa biktima mao nga misirko.

Samad sa ulo nga bahin ang naangkon sa biktima nga hinungdan sa iyang kamatayon. Sa karon nagpadayon ang gihimong imbistigasyon sa kapulisan kalabutan sa insidenti.

Facebook Comments