Aktibong kaso sa Covid -19 sa probinsya nipatong na sa 800!

13

Pagadian City – Padayon nga nisutoy ang ihap sa mga nagpositibo sa Covid-19 sa probinsya sa Zamboanga del Sur.
Base sa labing ulahing talaan sa Integrated Provincial Health Office kagahapong adlawa mitala og dugang 105 ka bag-ong kaso sulod lamang sa 24-oras hinungdan nga mipatong na sa 809 ang kinatibuk-ang kaso sa probinsya.
Nag-una gihapon sa listahan ang dakbyan sa Pagadian nga mitala og 354 ka aktibong kaso gisundan sa lungsod sa Labangan nga dunay 72 ka pasyente samtang ang lungsod sa Molave adunay 30 ka pasyente ang ilang gimonitor.
Kagahapon niihap usab sa 42 ka pasyente ang naulian na og nakagawas gikan sa nagkadaiyang isolation facility.
Puno na usab ang Isolation Area ug Temporary Treatment Monitoring Facility nga gipadagan sa Zamboanga del Sur Medical Center ug lakip na ang mga pribado nga ospital sa syudad sa Pagadian.
Niining panahona usab nipatung na sa 79 ang patay sa Covid-19 sa probinsya kini ang pinasikad sa pinakaulahing talaan nga gipagawas sa Integrated Provincial Health Office kon IPHO.
Napuno sa listahan sa mga namatay mao si patient number 3268 usa ka 65 anyos, lalake, gikan sa Purok Rubia, Poblacion, Margosatubig, Zamboanga del Sur.
Giadmit sa usa ka Government Hospital kagahapong adlawa May 27, 2021.
Gipailalom usab sa Rapid Antigen Test Swab apan nagpositibo kini sa Covid 19.
Namatay ang maong pasyente kagahapong adlawa uban ang mga final diagnosis nga sama sa : Dead on Arrival, Cardiopulmonary Arrest probably secondary to COVID19.
Gipahiluna na ang patay nga lawas sa biktima sumala sa protocol nga gipagawas sa DOH.

Facebook Comments