Aktibong kaso sa COVID-19 sa Zamboanga del Sur 649 na!

26
Zamboanga del Sur – Padayong nagpahinumdom ang Provincial Task Force sa mga Zambosurian nga padayong mosunod sa minimum health protocols ug ang pagpabakuna aron makabaton og proteksyon batok sa virus ilabina ang paspas-motakod nga Omicron variant.
Kini human nga mas grabi pa ang pagsaka sa mga aktibong kaso sa COVID-19 sa Zamboanga del Sur.
Kagahapon nakatala ang Integrated Provincial Health Office ug 141 ka bag-ong kaso sumala sa pinakaulahing update.
Nikabat na sa 649 ang total active cases sa probinsya diin 602 niini ang gikan sa probinsya samtang 47 ang gikan sa laing lalawigan.
Base sa maong datos, 273 ang sa Pagadian City, 48 sa Labangan, 30 ka kaso sa Mahayag, 21 sa Lapuyan, 20 sa Tukuran , ug may-19 ang Molave.
Sumala gihapon sa report sa IPHO, miabot sa 8 ang total sa mga naka-rekober sa probinsya kagahapong adlawa samtang walay natala nga patay.
Facebook Comments