Aktibong miyembro sa Dawlah Islamiyah- Hassan Group patay sa operasyon sa kapulisan sa So. Cot.

Accident or crime scene cordon tape, police line do not cross. It is nighttime, emergency lights of police cars flashing blue, red and white in the background

Polomolok, South Cotabato–Patay sa operasyon sa kapulisan ang usa ka target suspek nga gikonsiderang high value target sa otoridad human matud pa nga misukol sa gipahigayong drug buy-bust operation sa hiniusang pwersa sa Polomolok MPS ug 1st COY SCPMFC ala 1:05 sa hapon sa Purok 8, Barangay Sulit, Polomolok , Sout Cotabato.
Gi-ila ang napatay’ng suspek nga si Tubin Cabalo, hingkod ang pangidaron, residente sa nasangpit nga lugar. Matud pa ni Police Captain Rommel Hitalia Deputy Station Commander Polomolok MPS misukol matud pa ang suspek dihang nahitabo ang transaksyon sa panimalay niini.
Human nga nakamatikod nga pulis ang iyang katransaksyon mibunlot kini sa iyang armas ug gipabuthan ang mga pulis. Rason nga gibalsan kini ug pusil sa otoridad nga miresulta sa iyang kamatayon.
Gisuwayan pagdala sa ospital ang nasangpit sa pamasin nga masalbar pa ang kinabuhi apan gideklarang dead on arrival sa attending physician.
Gipaklaro usab ni Hitalia nga anaa sa drug watchlist ang suspek nga dugay ng ginamonitor sa kapulisan ug aktibong miyembro sa Dawlah Islamiyah- Hassan Group (Nilong sub-group) nga maoy gitahasan sa pagmonitor sa mga lihok sa kapulisan sa lugar ug nagahatag ug impormasyon ngadto na sa maong grupo. (RV)

Facebook Comments