aktibong pulis, patay sa operasyon sa City Drug Enforcement Unit

275

*General Santos City——– Patay ang usa ka aktibong pulis nga naila sa pangalang SPO2 Andrew Gesulga, alyas Bogs, 39 anyos ug residente sa Doña Soledad, Brgy. Labangal ning dakbayan, nga nakabasi sa North Cotabato, samtang malampusong nadakpan ang kaubanan niining si Irene Grace Emam Olarte, 22 anyos ug residente sa Panlaque St., Brgy. Labangal ning syudad atol sa gipahigayong buybust operation.*

*Sumala pa nga alas 9 pasado ang takna sa gabii dihang gihimo sa City Drug Enforcement Unit kon CDEU sa pagpanguna ni Police Senior Inspector Fernando Manuel Jr., ang labaw sa maong buhatan ang operasyon sulod sa usa ka pension house partikular na sa Heilee’s Guest House nga nahimutang sa Romana Estate 1, Prk. Oringo, Brgy. City Heights ning dakbayan.*

*Napalitan matud pa ang nasangpit nga pulis uggituuhang shabu kantidad 500 ka pesos, apan dihang nakatakda na kining arestuhon, mibunot kini ug armas dayon gipabuthan ang opertiba rason nga kini gipusil nga hinungdan sa iyahang kamatayon.*

*Nakuha gikan sa posisyon sa suspek ang usa ka 9 mm pistol, nga gituuhang service firearm niini nga adunay 15 ka mga buhing bala, ug lain pang pito ka sachet sa gituuhang shabu.*

*Sa kasamatangan, ang kaubanan niini ang balhog na sa Police Sation 4 ug nakatakdang pasakaan ug tukmang kaso. (Lore Mae V. Romualdo)*
Virus-free. www.avast.com <#DAB4FAD8-2DD7-40BB-A1B8-4E2AA1F9FDF2>

Facebook Comments