Alegasyong pagpanulis sa mga pulis sa Gensan gihimakak

76
Davao City – Naghuwat pa ang kapulisan sa General Santos City sa complainant aron mapasaka ang kaso batok sa duha ka pulis nga sila Police Chief Master Sergeant Renante B. Medina ug Police Master Sergeant Christopher C. Ararao kinsa giingong nalambigit sa pagtulis sa usa ka fish dealer sa maong lugar.

Sa interbyu sa DXDC RMN Davao kang Police Major Catherine Dela Rey, Davao City Police Office (DCPO) Spokesperson, gi-andam na sa DCPO ang mga dokumento aron hingpit nang ma-file ang kasong administratibo batok sa duha ka mga pulis.

Gidugang ni Dela Rey, gi-deny sa duha ka Police nga nalambigit sila sa pagtulis ug naa pud silay rason sa ilang pag-adto sa Gensan.

“Apan base pud sa gikasang imbestigasyon sa kapulisan, naa pud silay nahimong mali nga gibuhat hinungdan ma-filean gyud og kaso ang duha ka mga pulis,” saysay ni Dela Rey.

RadyoMaN Don Pulayao

Facebook Comments