Alkalde sa banwa sang Pulupandan nagpangabay nga likawan ang pagpakamalaot sa mga covid-19 nga pasyente

19

Nagpangabay ang alkalde sa banwa sang Pulupandan, Negros Occidental nga likawan ang pagpakamalaot sa mga tawo nga nagapositibo sa COVID-19.

Sa Facebook post ginpahayag ni Mayor Miguel Peña nga nagkalab-ot sa iya igtalupangod ang pag-discriminate sa mga pasyente sang banwa.


Suno sa alkalde, indi dapat pagbasulon ang pasyente kag ang pamilya sini sa ila kahimtangan kag wala man sang exposure ang mga pamilya sa mga pasyente.

Dugang pa ni Peña nga ang pamilya sang ikaduha nga pasyente sang banwa ang nagnegatibo sa COVID-19 kag nagakooperar sang insakto sa local government unit.

Hingyo pa sang alkalde nga indi na pagdugangan pa ang ginadala karon sang mga pamilya.

Samtang gin-anunsyo man ni Peña sa kapareho nga post nga naka-recover na si Patient No. 1 sang banwa samtang si Patient No. 2 ang naka-facility quarantine karon kag asymptomatic.

Wala sang exposure ang duha sa ila pamilya kag sa iban pa nga residente sang Pulupandan.




[image: image.png]

Facebook Comments