Alkalde; Wala balasihan para ipaidalum sa COMELEC control ang EB Magalona

EB MAGALONA, NEGROS OCCIDENTAL – Nagapati ang alkalde sang banwa sang EB Magalona nga wala sang balasehan agud ipaidalum sa COMELEC control ang amo nga banwa.

Ini ang reaksyon ni Mayor Marvin Malacon angut sa request ni Board Member David Lacson nga ipaidalum sa Comelec control ang EB Magalona bangud man sang pila ka insidente kon diin may nagapang-gamo sa ginapatigayon nga mga caucus.

Ginpaathag ni Malacon nga mismo si Negros Occidental Police Provincial Office, Provincial Director, P/Ssupt. Romeo Baleros na ang nagsiling nga wala sang rason agud nga ipaidalum sa Comelec control ang amo nga banwa.


Samtang sa iya naman personal nga paglantaw ginsiling ni Malacon nga indi malikawan nga may mga supporters gid man sang magtimbang nga mga partido ang naga-bangig.

Madumduman nga sang nagligad nga semana, nagreklamo ang grupo ni Lacson nga durante sila nagapatigayon sang caucus may naghaboy sang “ice water” sa entablado.

[image: image.png]

Facebook Comments