Alleged investment scheme nga musulod sa Davao ginabantayan

42

Davao City – Ginamonitor karon sa Davao City Anti-Scam Unit ang alegasyong investment scheme nga musulod sa Davao City.

Sumala ni Simplicio Sagarino, Davao City Anti-Scam Unit Head atol sa interview sa DXDC RMN Davao, adunay mga istorya nga planong musulod dinhi sa dakbayan ang usa ka investment scheme nga wala una nila ginganlan.


Apan giklaro niini nga wala pa kini kasulod sa syudad gani og ilang ma-monitor nga magsugod sa operasyon ang usa ka scheme, ila kining ipatawag ug paadtuon sa opisina gani pangayuan pa og mga dokumento.

“Wala pa kasulod sa Davao pero huhungihong lang nga musuluday, kanang investment… ato nang gi-monitor kay atong paadtuon sa opisina ug pangayuan og mga dokumento,” segun ni Sagarino.

Matud sa hepe nga sagad madala sa mga scam mao ang mga seniors diin mao usab ang sagad naga-adto sa ilang opisina.

Pahinumdom sa Davao City Anti-Scam Unit ngadto sa publiko nga magmabinantayon sa mga scam ning panahon sa pandemya ug mamahimong isumbong o makigkoordinar sa ilang opisina ug adunay mamatikdan nga kadudahan nga mga lihok sa social media, personal o tawag kun mahulog na sa pag-pang scam.



RadyoMaN Renz Barbarona


Facebook Comments