Alunan bagsakan giplanuhang himuon nga national government center

9

General Santos City— Aduna nay plano ang lokal nga panggamhanan sa dakbayan sa Alunan bagsakan nga nahimutang sa Barangay Bula ning dakbayan.

Sumala kang Mary Ann Bacar, labaw sa City Housing nga aduna nay project proposal nga gisubmitar ngadto sa hawanan sa konseho kung asa kini i-alokar alang sa mga nasyunal nga ahensya sa gobyerno.

Kini matud pa ang himuong National Government Center kung asa tanang nasyunal nga ahensya sa gobyerno ang dira ipang butang sama sa Pag-Ibig, GSIS, ug uban pa.

Dugang pamahayag ni Bacar nga sa karon ang mga nagpaabot pa lang ug interest nga mu-avail sa maong luna mao ang GSIS, Pag-Ibig ug ang Commission On Elections on COMELEC samtang iyaha matud pang ginapaabot ang Philhealth.

Kung asa ihatag matud pa sa lgu nga libre ngadto sa maong mga ahensya ang aong luna, apan sila na maoy mugasto aron sa pagpatukod sa ilahang mga gambalay.

Apan gibutyag niini nga bisan ug pahawaon sa maong lugar ang bagsakan ginaplanuhan na karon sa lokal nga panggamhanan nga ibalhin kini sa lugar kung asa dili makahatag ug traffic.

Facebook Comments