Davao City – Dakpan sa kapolisan sa Tugbok ang 46 anyos nga amahan sa Los Amigos, Tugbok District, syudad sa Davao sa akusasyong paglugos sa iyang 12 anyos nga babaying anak.
Subay sa report sa Tugbok Police Station, misumbong ang biktima sa iyang apohan sa gibuhat kaniya sa iyang amahan nga si alyas Roy.
Ang suspek gipasakaan na og kasong 2 counts qualified rape by sexual assault and 2 counts of sexual abuse in relation RA 7610.
Ang suspetsado milayas ug didto nagtago-tago sa Marilog, District ning syudad.
Sa dihang nasayran nga mibalik kini sa Los Amigos, gilayong gipahibalo ang kapolisan hinungdang nadakpan kagahapon sa buntag (August 6, 2020) pinaagi sa warrant of arrest.
Ang dinakpan gipriso na karon sa kapolisan sa Tugbok.
RadyoMaN Paul Canono
