Amahan, gipanghimakak ang alegasyong gilugos ang anak

31
PC: RadyoMaN Jonathan Bullo

Gipanghimakak sa amahan nga si Roberto Daayata, 53 anyos, taga Xavier Heights Upper Balulang ning syudad ang alegasyong pagpanglugos nga gikan mismo sa iyang anak ug asawa.

 

Matud ni Daayata, nga niadtong adlawng Biyernes iyang gikuha ang iyang anak sa Barangay Puntod kung asa nagpuyo ang iyang asawa, aron nga patambalan kini pinaagi sa Noga Best aron maulian sa gibati niining hilanat.


 

Dugang pa ni Daayata, nga wala na makauli ang iyang anak sa Barangay Puntod tungod kay didto kini natulog sa balay sa iyang igsoon kung asa usab siya nagsaka.

 

Nasayran nga gihubo-an ni Daayata ang iyang anak, aron kini hiloton ug mawala ang gibati nga hilanat.

 

Giangkon ni Daayata nga nagtapad sila sa iyang anak sa pagkatulog apan wala niya kini hilabti.

 

Samtang butang-butang lamang sa iyang asawa ug anak ang alegasyong pagpanglugos niya sa iyang anak.

 

Matud sa amahan nga si Roberto Daayata nga nasuko lamang niya ang iyang asawa tungod kay gamay ra ang dala niya nga kwarta.

 

Dugang pa ni Daayata nga aduna siyay gamay nga pagbasol apan wala na siyay mahimo tungod kay gidakop na dayun siya sa kapolisan.

Facebook Comments

From Advertisers