Amazing Asin!

Maayong adlaw sa tanan, sama sa akong giingon sa miaging semana atangi atong tips mahitungod sa panimalay. And I’m back, si Dj Teena Val napud ni!

Ug karon atong pagahisgutan ang laing gamit sa asin aside sa paggamit niini isip pangtimpla. Ang asin pwede kaayong magamit sa panglimpyo or cleaning agent.

 

1. Pangtangtang sa lama sa lamesa


 

Wow, ikaw na jud “asin”!

Huwari lang og asin ang lamesa nga nahuwaran sa kape or tea. Ang asin mosuyup sa lama sa kape or tea nga nipilit sa lamesa aron dali ra matangtang ang lama sa pagtrapo.

 

 

2. Pangtangtang sa baho ug mantsa sa kamot

Pagbutang ug asin ug suka sa kamot aron mawala ang mantsa nga nipilit sa imong kamot sama sa mantsa sa food colorings. Tangtang na ang baho, tangtang pa ang mantsa.

 

3. Makatangtang sa taya

Huwari og asin ang kaldero ug kaha nga may taya ug trapuhi sa uga nga panapton. And presto, mura na og bag-o imong kitchenwares.

 

4. Makapashine sa brass, copper ug silver

Pagmix ug asin og suka ipahid sa doorknob nga hugaw. Hugasi og limyo nga tubig ug paugha aron makita nimo ang resulta nga mamahimong siya sinaw nga murag bag-o tan-aw.

Ordinaryo ra kaayo nga sangkap sa sud-an ug available ra kanunay sa panimalay apan naa diay amazing nga gamit.

Ug magamit pud ni sa uban pang gamit sa balay. Mga idol alang sa dugang pa nimo nga kaalam mahitungod sa atong tips sa panimalay nga wala pa nimo mahibaw-i. Padayon lang sa pagbisita sa atong website aron naa kay idea kung unsa pay mga gamit sa inyong kusina nga pwede magamit as agent cleaning.

 

Next week napud atangi kung unsa ang atoang tip dinhi sa —- “All About PANIMALAY”. Tinubdan: wikipedia.com ug indiatimes.com. (Sinulat ni Dj Teena Val)

Facebook Comments