TACLOBAN CITY – Gin-aresto kanina ha Naval, Biliran ha pinag-usa nga pwersa han US Homeland Security ngan Bureau of Immigration an usa nga 78-anyos nga amerikano nga padi nga naatubang yana ha mga kaso nga rape.
Ginkilala han Bureau of Immigration an naaresto nga padi nga Hi Fr. Kenneth Bernard Hendricks, nga madugay na nga padi ha Biliran.
Basi ha record han BI, hi Hendricks in naatubang ha haros 50 nga kaso han sexual harassment ngan rape.
Kadam-an nga iya nabiktima in mga sakristan ngan mga kaanak han mga empleyado han simbahan.
Nagin emosyonal naman an mga parishioner ha simbahan han arestuhon na hi Fr. Hendricks han mga otoridad.
Dayon nga gindara ha Biliran Provincial Hospital an suspek para han medical exam antis hiya igkadto ha Manila.
Facebook Comments
