BACOLOD CITY – Nag-angkon sang pilas ang isa ka lalaki matapos nga ini siya ang ginbuno sang iya man lamang mismo abyan nga iya ginsaway nga mag-untat na sang inom.
Ang biktima nakilala kay Rogelio Mahinay, 42 anyos ang edad, pumuluyo sang Purok 1 Sigay, Brgy. Singcang-Airport diri sa ciudad sang Bacolod.
Samtang ang suspek naman amo si Rosino Jeronda, 36 anyos, pumuluyo man sang amo nga lugar.
Suno sa pagpangusisa sang pulis, natabo ang insidente matapos nga ginsaway sang biktima ang iya abyan nga mag-untat na inom bangud tuman na ini ka hubog kasunod nga halos 24 oras na ini nga naga inom.
Ginpahayag nga naakig ang suspek gani iya gintiklod si Rogelio nga nagbalos man sumbag sa suspek.
Apang nagkuha sang kutsilyo ang hubog nga si Rosino kag iya ginbuno si Rogelio nga nag-angkon naman sang pilas sa iya guya./dyHB BACOLOD
