Amora miakusar sa CHED nagpagamit sa Mayor arun masira ang Liga College

Gi-akusahan ni kanhi ABC President Nestor Amora ang Commission on Higher Education (CHED) nga nagpagamit sa pulitika pinaagi sa gahum ni Mayor Ronnievic Lagnada aron masirado ang Colegio de Liga ng mga Barangay. Sa interview sa RMN DXBC Butuan, gihulagway ni Amora nga klarung adunay “unseen hands” sa pulitiko ang nagdiktar sa CHED aron ipasirado ang nasangpit nga kolehiyo luyu nga wala pa maresolba sa Court of Appeals (CA) ang motion for reconsideration sa unang giisyu nga ceased and desist order sa CHED en Banc batok sa Liga College.
Apan bisan pa niini, gibarugan ni Amora nga magpadayon ang klase sa 22  ka mga estudyante pinaagi sa pagpangita ug laing building nga abangan aron didto ipahimutang mga tinun-an.
Giplano usab sa Board of Trustees sa Colegio de Liga nga ideklarang “graduate” na ang 21 ka mga estudyante bisan ug wala pa matapos ang school year gumikan niini nga mga panghitabo.
Dugtong sa maong balita…
Mitungug na ang Commission on Higher Education (CHED) kalabot sa pagsirado sa Colegio de Liga ng mga Barangay.
Sigun ni Engr. Ramil Sanchez, Chief Education Program Specialist sa CHED nga gipagawas ang ceased and desist order batok sa nasangpit nga kolehiyo tungod kay pakyas na-comply niini ang giisyung memorandum order aron makab-ot ang “quality standard” sa duha ka mga kursong gitanyag.
Wala maklaru sa CHED kung local college o pribadong kolehiyo ba ang estado sa nasangpit nga tulunghaan.
Niya pa kung magdeklarang local college, kinahanglan ang Mayor sa dakbayan sa Butuan maoy chairman sa Board of Trustees ug kung pribado man kinahanglan adunay sertipikasyon gikan sa Securities and Exchange Commission (SEC) – kining tanan pakyas nga makuha sa Liga College.
Kung ma-comply sa Colegio de Liga ang kakulangon, dili kasiguru si Engr. Sanchez kung ma-recall ba ang ceased and desist order tungod kay desisyon kini sa CHED en Banc. (VC. CHED 2) Si Engr. Ramil Sanchez, Chief Education Program Specialist sa CHED Caraga sa interview sa RMN DXBC Butuan.
Sent from my Samsung Galaxy smartphone.

Facebook Comments