Anak, ginpamumusil an iya tatay

CALUBIAN, Leyte – Ginpamumusil han anak an iya tatay kasangkulop han kulop ha Barangay Guadalupe, Calubian, Leyte.

Ginkilala an biktima nga hi Julito Montes Dillo, 55 anyos, may asawa, usa nga parag-uma.

Ginkilala naman liwat an suspek nga iya anak nga hi Jurney Dillo, 25 anyos, usa nga habal-habal driver ngan pareho nga residente ha nasabi nga lugar.


Ha interview han RMN kan PSInsp. Henry Avila, Chief Of Police han Calubian Leyte, nagawas ha ira inisyal nga imbistigasyon nga nabuhat han suspek an krimen tungod nga ginkikinastigo hiya ngan an iya nanay han ira amay.

“Ini nga suspek ngan an nanay ginkikinastigo daw pirmi han iya tatay ngada umabot an punto nga waray na hiya hingailob napusil niya.”

Gamit an tinatawag nga sumpak, naangkon han biktima an igo ha pira nga parte han iya lawas.

Nabaruan pa han RMN nga ginpipinamiling ngayan han mga kapulisan an biktima nga amay tungod nga may standing warrant of arrest ini nga Anti – Violence Against Women And Their Children (VAWC).

Samtang, gindara naman ha hospital an biktima.

Maatubang naman an anak nga suspek hin kaso nga frustrated parriside ngan an tatay hini in aatubangon an VAWC nga kaso.

Duha hira nga magtala-amay in pareho nga mapepreso.

Facebook Comments