Anak nga mitigbas patay sa amahan sa Banga, South Cotabato-gikasuhan na

17

General Santos City–Gikumpirma ni Police Major Joseph Forro Hepe sa Banga MPS nga hingpit ng gipasakaan ug kaso sa pamilya ngadto na sa korte ang ilahang igsoong suspek nga si Reynaldo Biala, legal age, residete sa Barangay Rang-ay, Banga kansa maoy responsableng mitigbas mipatay sa ilahang amahan nga si Roberto Biala niadtong milabay nga semana sa panimalay mismo sa ilang amahan.

Gipaklaro ni Forro nga nakadesisyon ang pamilya sa pagpasaka ug kaso sa ilang igsoon gumikan kay dili tinuod ang alegasyon niini batok sa iyang amahan ngadto na sa iyang anak.


Hinungdan nga hugot nga gipanghimamakak sa pamilya sa una niining giluwatang pamahayag sa ilang igsoong suspek ngadto sa pulis gani gipaklaro sa pamilya nga duna nay daang bingkil ang mag-amahan tungod sa problema sa yuta nga mikalas hinuon ug usa ka kinabuhi.

Pamahayag man usab ni Major Forro nga gihimo lang matud pa ug rason sa suspek kadtong alegasyon niini sa iyang amahan aron makalingkawas sa kaso kini basi sa pamahayag sa pamilya. Samtang ila usab gikumperma nga nakainom ang suspek niadtong higayona dihang gihimo ang krimen.

Saysay usab sa opisyal nga kasong paricide ang atubangon sa suspek gumikan kay ilaha mang amahan ang gipatay niini, samtang sa korte nalang nila kining lalison kung mo-counter ang igsoong suspek.

Kahibaloan nga una nang nakdawat ug impormasyon ang rmn News Team gikan sa Banga PNP na basi usab sa alegasyon sa suspek sa iyang amahan ngadto na sa iyang anak nga menor de edad.

Samtang gipaningkamutan man usab sa RMN News Team nga makuhaan ug pamahayag ang pamilya pinaagi sa pagtawag sa cellphone apan nagdumili kining mohatag.

Facebook Comments