Gin-aresto sang Philippine National Police (PNP) ang anak ni Bureau of Corrections Chief Nicanor Faeldon matapos makuhaan sang pila ka sachet sang suspected shabu sa ginpatigayon nga operasyon sa Z-4 San Miguel Street, Barangay Mabolo, Naga City.
Ini ang ginkilala kay Nicanor Faeldon Jr., 32 anyos, college student sang Taytay, Rizal.
Arestado man ang tatlo ka iban pa nga ginkilala kanday Russel Lanuzo Bermudo, alyas Bubbles, 47 ; Allan Valdez, 44 anyos sang Sampaloc, Manila kag Manuel Nebres, 39 anyos sang Mabolo, Naga City.
Nakuhaan ang mga ini sang pito ka sachet sang suspected shabu.
Samtang, ginapahayag nga nakalab-ot na kay BuCor Chief Faeldon ang natabo sa iya anak.
Apang suno sa tagpamaba niya nga si si Atty. Jose Diño , indi magpasilabot ang BuCor chief sa ginapangatubang nga kaso ni Jr.
