Anay pulis nga nalakip sa national most wanted persons list, dakup sa syudad sang La Carlota

Nadakpan sang mga otoridad sa Barangay 1 Poblacion, syudad sang La Carlota kahapon, Pebrero 8 ang isa ka anay police officer nga nakalip sa National Most Wanted Persons list.

Ginkilala ang suspek kay Anecio Lapara Jr.

Sa isa ka statement ginpahayag sang Philippine National Police (PNP) nga gin-akusar si Lapara sang robbery, robbery in band kag illegal possession of firearms.


Nakapalagyo ang suspek halin sa sulod sang Bureau of Jail Management and Penology sa Ormoc City samtang nga nagahulat sang trial para sa iya nga mga criminal cases.

Nahibalu-an nga miyembro ang suspek sang Philippine Constabulary Class 88 kag nakasulod sa PNP sadtong 1991 apang gin-kakas sa serbisyo matapos ang walo ka tuig.

Gin-alegar man nga si Lapara ang naga-operate sang pila ka mga criminal gang sa Region 7 kag 8.

[image: image.png]

Facebook Comments